Трамп: Ресей АҚШ-ты сыйламайды

АҚШ-тың бұрынғы президенті ядролық қару туралы айтуға ешкімнің құқығы жоқ, өйткені ол тым жойқын екенін айтты.

АҚШ-тың бұрынғы президенті Дональд Трамп Ресейдің ядролық қаруға қатысты риторикасымен АҚШ-қа құрметсіздік танытқанын айтты. Бұл туралы ол Небраскадағы шеруде жақтастары алдында сөйлеген сөзінде айтты.

— Ядролық қару туралы ешкім ешқашан айтқан емес, бұл туралы айтпау керек, бұл тыйым салынған сөз, өйткені ол тым жойқын. (Путин) бұл туралы үнемі айтады, өйткені ол біздің көшбасшылықты құрметтемейді, - деді Дональд Трамп.

Ол сондай-ақ,  Джо Байден тұсында елдің энергетикалық тәуелсіздігінен айрылып, Ресей мен ОПЕК-тен «мейірім сұрауға» мәжбүр болғанын атап өтті.

— Олар біздің энергетикадағы үстемдігімізден бас тартып, ОПЕК-тен, Ресейден, Венесуэладан, Ираннан мейірімділік сұрай бастады, - деді Трамп.

Ол қазіргі АҚШ билігінің саясатын «толық сәтсіздік» деп сипаттап, оның кезінде бір галлон бензиннің құны екі долларға да жетпейтінін еске салды.