Трамп Путинмен телефон арқылы сөйлескенін мәлімдеді

Жұма күні Air Force One бортында New York Post басылымына берген сұхбатында АҚШ президенті Дональд Трамп Ресей президенті Владимир Путинмен телефон арқылы сөйлесіп, Украинадағы соғысты тоқтату үшін онымен келіссөздер жүргізуге тырысқанын айтты, деп хабарлайды Orda.kz.

Трамп Путинмен қанша рет сөйлескенін айтпады, бірақ ол Ресей президентінің ұрыс даласындағы құрбандарға «жанашырлық танытатынына» және «адамзат өлімінің тоқтағанын қалайтынына» сенімді.

«Қаншама адам қайтыс болды. Өрімдей жас, әдемі адамдар. Олар да сіздің балаларыңыз сияқты, екі миллион адам қырылды, бұның бәрі бекер», - деді Трамп.

АҚШ президенті егер ол 2022 жылы президент болған болса, үш жылға созылған осы соғыс «еш басталмас еді», деп мәлімдеді.

«Мен Путинмен әрқашан жақсы қарым-қатынаста болдым. (...) Байден біздің елдің мазағы болды. Абсолютті масқара», - деді ол.

Трамп соғысты тоқтатудың нақты жоспары бар екенін айтып, «бұл тез шешіледі» деген үмітін білдірді.

АҚШ президенті жұма күні кешке Air Force One бортындағы кеңсесінде оған қосылатын ұлттық қауіпсіздік жөніндегі кеңесші Майк Уолцке сөйлеген сөзінде де осыны айтты.

«Адамдар күн сайын өліп жатыр. Украинадағы бұл соғыс өте қорқынышты. Мен осы қарғыс атқан қақтығысты тоқтатқым келеді. Осы кездесулерді ұйымдастырайық. Олар кездескісі келеді. Күн сайын адамдар қырылып жатыр. Жас, әдемі сарбаздар өліп кетіп жатыр. Менің ұлдарым сияқты жап-жас жігіттер. Екі жақтан да. Бүкіл майдан даласында», - деді ол Уолцке.

Вице-президент Джей Ди Вэнс Вэнс келесі аптада Мюнхен қауіпсіздік конференциясында Украина президенті Владимир Зеленскиймен кездеседі.

7 ақпанда АҚШ президенті Зеленскиймен келесі аптада сөйлесуді жоспарлап отырғанын айтты. Трамп бұған дейін «қызметке кіріскеннен кейін 24 сағат ішінде» қақтығысты тоқтата алатынын жариялаған болатын.

Инаугурация қарсаңында Дональд Трамп өз командасына Ресей президенті Владимир Путинмен телефон арқылы сөйлесуге дайындықты бастауды тапсырды.