Трамп Портлендке әскер жіберді

АҚШ президенті Дональд Трамп Портлендке әскер жіберуді, сондай-ақ Иммиграция және кедендік бақылау қызметі (ICE) нысандарын күзетуді қамтамасыз етуді тапсырды, деп хабарлайды Orda.kz.

«Ішкі қауіпсіздік министрі Кристи Ноэмнің өтініші бойынша мен Пентагон басшысы Пит Хегсетке Антиф пен басқа да ішкі лаңкестердің қоршауында тұрған, соғыстан қираған Портленд пен ICE нысандарын қорғау үшін барлық қажетті күштерді жұмылдыруды тапсырамын. Сондай-ақ, егер қажет болса, барлық күш-жігерді қолдануға рұқсат беремін» деп жазды Трамп Truth Social желісінде. 

Әскерилер немен қаруланатыны туралы ақпарат жоқ.

Портленд Лос-Анджелес, Вашингтон және Мемфистен кейінгі төртінші қалаға айналды.

Трамптың қатаң көші-қон саясаты салдарынан қала ICE кеңсесінің жанында бірнеше айдан бері наразылық білдіруде. Бұл ретте айта кетерлігі Демократиялық партияның өкілі Портленд мэрі Кит Уилсон қатаң шараларға қарсы.