Трамп порножұлдызға қатысты төлемдер ісінде жазадан құтылды

Манхэттендегі қылмыстық сот Нью-Йоркте АҚШ-тың сайланған президенті Дональд Трампты порножұлдыз Сторми Дэниелске жасалған төлемдерге байланысты резонанстық іс бойынша жазадан босатты, – деп хабарлайды Orda.kz.

NBC арнасынның мәліметінше, Судья Хуан Мерчан Трампқа қатысты барлық 34 айыптау тармағы бойынша «шартсыз босату» туралы шешім шығарды. Бұл шешім Трамптың кінәсі дәлелденгенімен, оған айыппұл немесе түрме жазасын тағайындау дұрыс емес деп танылғанын білдіреді.

«Екінші президенттік мерзіміңізге сәттілік тілеймін», – деді судья үкім шығарған кезде.

Трамп сот отырысына адвокатымен бірге бейнебайланыс арқылы қатысты.

Трампқа тағылған айыптар саясаткермен болжамды байланысы туралы үндемеу үшін Дэниелске 130 мың доллар төлеуге қатысты болды.

Дональд Трамп – АҚШ тарихында қылмыстық айып тағылған алғашқы экс-президент. Оған қарсы төрт қылмыстық іс қозғалған болатын. Бизнес есептерін бұрмалау ісінен бөлек, Трампқа құжаттарды дұрыс сақтамау, 2020 жылғы президенттік сайлауға араласу әрекеті және билікті күшпен басып алуға талпыну (2021 жылғы қаңтардағы Капитолийді басып алу) бойынша істер қозғалған.