Трамп пен Путин не туралы сөйлесті?

Дональд Трамп пен Владимир Путин телефон арқылы сөйлесті, деп хабарлайды Orda.kz. 

Трамп Путинмен не туралы сөйлескенін айтты. АҚШ президенті Ресей президентімен телефон арқылы сөйлесу сәтті өткенін мәлімдеді. Ол Ресей мен Украина жақын арада атысты тоқтату және соғысты аяқтау туралы келіссөздерді бастайтынын атап өтті.

Трамптың айтуынша, соғыс тоқтағаннан кейін сауда саласы қайта жанданады. Трамп Ресейдің экономикалық әлеуетін «шексіз» деп бағалады. Әрі Украина да елді қалпына келтіріп, жаңа сауда қатынастарын түзей алады. 

Сонымен қатар тараптар Шығыс Еуропадағы жағдай бойынша мәмілеге келуді мақсат еткен. Бұл Стамбұлдағы Украина мен Ресейдің тікелей келіссөздерінен кейінгі алғашқы диалог болып отыр.

Ақ үй мәліметінше, Путинмен сөйлескеннен кейін АҚШ президенті Зеленскиймен және НАТО-ға мүше өзге де мемлекет басшыларымен сөйлеседі. 

Айта кетейік, АҚШ-тың бұрынғы президенті Джо Байденнің қуықасты безінің қатерлі ісігіне шалдыққаны белгілі болды.