Трамп өкілінің ұшағы Мәскеуге қонды

АҚШ президенті Дональд Трамптың өкілі Стив Уиткофф мінген ұшақ Катардан ұшып, Мәскеуге қонды, деп хабарлайды Orda.kz.

Ұшақ Внуково халықаралық әуежайына қонған. Ұшуларды бақылау сервисінің мәліметінше, әуе кемесі Катардан шығып, Иран мен Түркия арқылы ұшып, Ресей шекарасынан өткен.

Айта кетейік, Украина АҚШ ұсынысымен 30 күндік атысты тоқтатуға келіскенін мәлімдеген болатын. Бұған дейін Ақ үйдің баспасөз хатшысы Каролин Левитт Стив Уиткоффтың Мәскеуге баратынын хабарлаған еді. Оның сапары барысында Украинадағы соғыс мәселесі талқылануы мүмкін.