Трамп: Маған дейінгі президенттер Орталық Азия елдеріне лайықты көңіл бөлмеді

АҚШ президенті Дональд Трамп АҚШ, Қазақстан және Орталық Азияның басқа да елдері арасында жаңа тамаша қарым-қатынастардың басталғанын мәлімдеді. Ол Вашингтонда өткен C5+1 саммитіне осылай түсінік берді, деп хабарлайды Orda.kz.

«Кеше мен үшін Ақ үйде бес тамаша елдердің президенттерінің қатысуымен саммит өткізу үлкен құрмет болды: Қазақстаннан Қасым-Жомарт Тоқаев, Өзбекстаннан Шавкат Мирзиёев, Тәжікстаннан Эмомали Рахмон, Қырғызстаннан Садыр Жапаров және Түрікменстаннан Сердар Бердімұхамедов келді» деп жазды ол. 

 Трамптың айтуынша, отыз жыл бойы оның алдындағы президенттер осы стратегиялық, ресурстар мен адами капиталға бай елдерге өздері лайықты назар аудармаған. Бірақ АҚШ-тың қазіргі президенті бұл «олқылықтың» орнын толтырмақшы.

 «С5+1 платформасының 10 жылдығы құрметіне біз миллиардтаған долларға коммерциялық мәмілелер жасадық, олар авиация, минералдар, ауыл шаруашылығы, темір жол, автомобиль жасау және технология секторындағы он мыңдаған америкалық жұмыс орындарын қолдайды. Біздің саммит Құрама Штаттар мен Қазақстан, Өзбекстан, Тәжікстан, Қырғыз Республикасы мен Түрікменстан арасындағы тамаша қарым-қатынастарға жаңа серпін береді», - деп түйіндеді ол. 

Орталық Азия елдерінің басшылары қатысқан кездесу аяқталғаннан кейін АҚШ президенті Дональд Трамп  Өзбекстанмен 35 миллиард доллар болатын келісім жасағаны туралы мәлімдеді.

Стамбұл Газа секторында геноцид жасады деген айыппен  Нетаньяхуды қамауға алуға ордер шығарды.