Трамп: Камала Харрис сайланса – дүниежүзілік соғыс басталуы мүмкін

АҚШ президенттігіне үміткер Дональд Трамп сенбі күні қараша айында өтетін сайлаудағы басты қарсыласы әрі қазіргі вице-президент Камала Харристі көпшілік алдында сынап, оны «IQ деңгейі төмен» деп атады, деп хабарлайды Orda.kz РИА Новостиге сілтеме жасап. 

«Бұл арада  IQ деңгейі жоғары адамдар бар, менің қарсыласымның IQ деңгейі төмен, мен ер адам туралы емес, әйел адам жайында  айтып отырмын», - деді Трамп Ақ үйдің қазіргі басшысы Джо Байден мен оның вице-президенті Камала Харристі меңзеп.

Саясаткердің айтуынша, Камала Харрис сайлауда жеңіске жетсе, дүниежүзілік соғыс басталуы мүмкін. Себебі, Демократиялық партияның кандидаты Таяу Шығыс мәселелерін «нашар» түсінеді, деді Трамп.

«Харристің сайлануы... Газа секторындағы израильдік шайқастардың ауқымды аймақтық қақтығысқа ұласуына себеп болады», - деді Трамп.

Ол сондай-ақ 2020 жылғы дауыс беру кезеңінде демократтардың айла-амалдарын ескере отырып, оның сайлауда жеңіліп қалу ықтималдығын жоққа шығармады, нәтижесінде Джо Байден Ақ үйдің басшысы болды және Трамп қайта сайлана алмады.