Трамп Хабиб Нурмагомедовке Палестинадағы соғысты тоқтатуға уәде берді

Ресейлік Ислам Махачев АҚШ-та өткен турнирде америкалық Дастин Порьені  жеңіп, жеңіл салмақтағы UFC чемпионы атағын қорғап қалды. Ал, Хабиб Нурмагомедов Махачевтің секунданты ретінде төбе көрсетіп, қолдауға келді.

Әңгімесі видеосын бұрынғы MMA файтері және блогер Там Хан X әлеуметтік желісінде жариялады.

Турнир барысында Нурмагомедов залда көрермен ретінде отырған Трамппен сөйлесті.

«Мен сіз Палестинадағы соғысты тоқтатарыңызға сенемін»,- деді Хабиб Нурмагомедов. 

АҚШ тың экс-президенті Дональд Трамп оған жауап берді.

«Біз оны тоқтатамыз. Мен оны тоқтатамын»,- деді Трамп.

Еске сала кетейік, АҚШ президентінің сайлауы 2024 жылдың 5 қарашасында өтеді. Сайлау додасындағы басты бәсекелестер – қазіргі мемлекет басшысы, демократ Джо Байден, сондай-ақ Американың бұрынғы көшбасшысы, республикашыл Трамп.

Екі үміткер де өз партияларының кандидатурасын қамтамасыз ету үшін алдын ала  делегат дауысын жинап үлгерді. Ал қарсыластарының барлығы дерлік сайлаудан бас тартқанын жариялады.