Трамп еуропалықтарды миграцияны тоқтатуға шақырды

АҚШ президенті Дональд Трамп Шотландияда жүрген кезінде еуропалықтарды жел генераторларынан бас тартып, миграцияны тоқтатуға шақырды, деп хабарлайды Orda.kz.

«Еуропа үстімен ұшып бара жатсаң, әр жерде жел генераторларын көресің — олар сендердің әдемі далаларың мен аңғарларыңды бүлдіріп жатыр, құстарыңды өлтіруде», — деді Трамп Глазго Прествик әуежайында.

Трамптың айтуынша, жел генераторлары теңізге де зиян келтіреді. Ол Еуропаны «қорқынышты миграциялық басұыншылықты» тоқтатуға шақырды, оның айтуынша, бұл жел генераторлары Еуропа сұлулығын қалай құртып жатса, миграция да Еуропаның өзін сондай күйретуде.

Белгілі болғандай, Трамп Шотландияда өзінің екі гольф клубына баруды, сондай-ақ 27 шілдеде Еурокомиссия төрайымы Урсула фон дер Ляйенмен кездесуді жоспарлап отыр. 28 шілдеде, дүйсенбі күні, Ұлыбритания премьер-министрі Кир Стармермен кездесу жоспарланған.

Фон дер Ляйеннің айтуынша, Трамппен кездесу негізгі түрде «трансатлантикалық сауда қатынастарына» арналмақ. Шотландияға аттанар алдында АҚШ президенті ЕО-мен кедендік баж салығын болдырмау жөніндегі келісімге келу мүмкіндігін «әжептәуір жақсы» деп бағалады.

«Менің ойымша, Еуропалық Одақпен келісімге келу мүмкіндігіміз — 50/50», — деді Трамп.