Трамп АҚШ президенттігіне дайындалуда

Трамп қазірдің өзінде Америка Құрама Штаттарының президенті болуға дайындалуда - ол Байденнің барлық қылмыстарын жариялайтынын мәлімдеді.

АҚШ-тың экс-президенті ендігі жолы президентікке қолы жеткен кезде қазіргі мемлекет басшысы мен оның отбасының барлық қылмыстары бойынша тергеуді бастайтынын айтты.

Дональд Трамп, егер өзі Америка Құрама Штаттарының президенті болып сайланса, болашаққа арналған жоспарлары бар екенімен бөлісті. Ол қазіргі президент Джо Байден мен оның отбасына қатысты мәлімдемелер мен әрекеттерді зерттеуді қашан және кімге тапсыратын жоспарын алдын ала дайындап қойыпты.

ТАСС агенттігінің хабарлауынша, Трамп Оңтүстік Каролинадағы Республикалық партия жақтастары іс-шарасында өз жоспарымен бөліскен. Онда ол мемлекет басшысы лауазымына қайта сайланған жағдайда, қазіргі америкалық көшбасшының барлық ықтимал құқық бұзушылықтары бойынша тергеуді дереу бастайтынын айтты.

«(Америка Құрама Штаттарының Президенті ретінде) бірінші күні мен (Құқық министрлігі) Арнайы кеңесшіге АҚШ Конгресіндегі барлық абыройсыз әрекеттерге, соның ішінде Қытайдан және көптеген басқа елдерден пара алуға қатысты айтылған көптеген айыптаулардың әрқайсысын тексеруді тапсырамын. Ол ақшалар Байденнің қылмыскер отбасына тікелей түсті», - дейді Трамп.

Айта кетейік, қазір Трамптың өзіне үш қылмыстық іс бойынша айып тағылған. Әңгіме бұрын актриса болған Сторми Дэниэлске төленген қаржы, құпия құжаттарды дұрыс пайдаланбау, сондай-ақ 2020 жылғы сайлауда билікті сақтап қалудағы заңсыз әрекеттері туралы болып отыр.

Бұған қоса, Джорджиядағы үлкен қазылар алқасы мемлекеттік шенеуніктерге дауыс беруді түзетуге қысым жасағаны үшін оған қарсы жаңа қылмыстық іс қозғау туралы мәселені тамыз айында шешеді. Трамптың өзі үш қылмыстық айып бойынша кінәлі деп танылса, ол жалпы 561 жылға бас бостандығынан айырылуы мүмкін.

АҚШ-тың келесі президенттік сайлауы 2024 жылдың қарашасында өтеді. Джо Байден ең жоғары мемлекеттік лауазымға қайта сайлануға ұмтылатынын айтты. Трамп 2022 жылдың қарашасында келесі президенттік сайлауға түсетінін жариялады.