Трамп алаяқтық жасағаны үшін кінәлі деп танылды

Сот АҚШ-тың бұрынғы президенті Дональд Трампты алаяқтық жасағаны үшін кінәлі деп танып, 355 миллион доллар төлеуге міндеттеді, деп хабарлайды Orda.kz.

Нью-Йорк сотының судьясы Артур Энгорон АҚШ-тың бұрынғы президенті Дональд Трампты алаяқтығы үшін кінәлі деп тауып, оны 355 миллион доллар айыппұл төлеуге міндеттеді, сонымен қатар Нью-Йорктегі кез келген компанияда немесе корпорацияда жұмыс істеуге тыйым салды, деп хабарлайды The Hill.

Сонымен қатар, АҚШ-тың бұрынғы президентінің ұлдарына да айыппұл салынған.

2022 жылы Демократиялық партияның өкілі болған Нью-Йорктің бас прокуроры Летициа Джеймс Дональд Трампты салық және сақтандыру төлемдерін алу үшін қаржылық есептіліктегі таза құнын бұрмалады деп айыптап, сотқа берді.

The Hill судьяның шешімі Дональд Трамп пен оның арасындағы «даулы қарым-қатынастан» кейін шыққанын жазды. Қараша айында Дональд Трамп куәгерлерден судья мен Летиция Джеймсті «алаяқтар», «саяси хакерлер» және «Трампты жек көретіндер» деп атаған болатын.