Трамп қабылдаған шешімдер күшін жойды. Байден қызметіне кірісті

20 қаңтар Вашингтондағы Капитолий сарайында АҚШ-тың жаңа президенті тағайындалып, ант беру рәсімі өтті. Джо Байден экс-президент Дональд Трамптың қабылдаған бірқатар заңдарын алып тастады. Климат жөніндегі Париж келісімі қайта қосылып, Дүниежүзілік денсаулық сақтау ұйымына мүшелігін қалпына келтірілді.

«Америка дауысы» сайтының хабарламасына сүйенсек, мұсылман елдеріне қойылған территорияға кіру шектеуін алып тастады.

Еске салсақ, 2017 жылы Дональд Трамп Париж келісімі қолайсыз деп, елді одан шығарған. Ресми түрде АҚШ келісімнен 2020 жылдың қараша айында шықты. Ал қайта қосылуға бір ай уақыт кетеді.

Сенаторлар ойы Джо Байденнің шешіміне қатысты екіге бөлінді.