Трамадол Қазақстандағы есірткі заттарының тізіміне енді

Есірткі құралдарының, психотроптық заттар мен прекурсорлардың тізбесін Қазақстан Республикасы Денсаулық сақтау министрлігінің Медициналық және фармацевтикалық бақылау комитеті бекітті.

Өзгерістер «Трамадол» препаратына әсер етті. Енді оны арнайы рұқсаты бар дәріханалар ғана сата алады.

«Қазақстан Республикасындағы бақылауға жататын есірткі құралдарының, психотроптық заттардың және прекурсорлардың тізбесін, есірткі құралдарын, психотроптық заттарды, олардың аналогтары мен түрлерін жіктеу жөніндегі жиынтық кестені бекіту туралы» Қазақстан Республикасы Үкіметінің № 4 70 қаулысына өзгерістер мен толықтырулар енгізілді. Кіші, үлкен және аса үлкен өлшемдерге заңсыз трафиктен табылған прекурсорлар, есірткі, психотроптық заттардың құрылымдық формулаларындағы сутегі атомдарының, галогендердің және (немесе) гидроксил топтарын алмастырушылар тізбесі»  деп хабарлады мекеме.

ҚР Денсаулық сақтау министрлігінің Медициналық және фармацевтикалық бақылау комитеті дәрілік заттарды лицензиясыз сатқаны үшін әкімшілік және қылмыстық жауапкершілік қарастырылғанын еске салды.