«Тозаққа қайтып барамын»: Әйелін айуандықпен өлтірген азаматқа сот үкім шығарды

Әл-Бейне Зарипованы айуандықпен өлтірген күйеуіне сот 15 жыл бас бостандығынан айыру жазасын тағайындады, деп хабарлайды Orda.kz.

26 қыркүйекте Әл-Бейне 43 жасқа толар еді. Айыпты Сабыржан Зарипов 15 жылға бас бостандығынан айырылды. Ол орта қауіпсіздік колониясында жазасын өтейді. 42 жастағы Әл-Бейне Зарипова Қазақстандағы FlyDubai компаниясының қаржы директоры болған. Олар күйеуімен 15 жылға жуық некеде болып, бір қыз тәрбиеледі. Қызы қазір 12 жаста.

31 қаңтарда таңертең Әл-Бейне бірнеше рет сұғылған пышақ жарақатынан көз жұмды. Бұл қасірет Медеу ауданындағы жеке үйде болды. Әл-Бейне Алматыға небәрі бір күнге, Дубайдан Астанаға жұмысқа ауысардың алдында қызымен кездесу үшін келген. Зарипованы Лондонға оқуға жіберу жоспарланған, онда оның мансабына жаңа мүмкіндіктер ашылатын еді.

Соңғы дауыстық хабарламасында анасына «Дубайдан өз «тозағыма» қайтып бара жатырмын» деп жазыпты.

Алматыға келгенде, үйінде жанжал болды. Артынша ол пышақталып қайтыс болды. Қылмыс үйдің жертөлесінде жасалды, ал осы кезде 12 жастағы қызы екінші қабатта болған.