Төрт баласы қайтыс болған отбасыға қандай көмек көрсетілді?

Абай облысы төрт баласы қайтыс болған отбасыға қалай көмектесті.

Орталық коммуникациялар қызметінде өткен брифингте журналистердің сауалдарына жауап берген аймақ басшысы Нұрлан Ұранхаев өрт кезінде төрт баласынан айырылған отбасына қандай көмек көрсетілгенін айтты.

"Оларға барлық қажетті көмек көрсетілді. Қазір олар уақытша екі бөлмелі пәтермен қамтамасыз етілді. Үй тұрмыстық техникамен және жиһаздармен толықтай жабдықталған. Желтоқсан айында оларға Өскеменде  екі бөлмелі пәтер беріледі. Өйткені олар сонда тіркелген. Біз жұмысты жалғастырамыз қажетті көмек көрсетеміз», - деді облыс әкімі Абай Нұрлан Ұранхаев.

Естеріңізге сала кетейік, қайғылы оқиға 25 қазан күні сағат 11:00 шамасында Аягөз қаласында болған. Бұрын хабарланғандай, жеке тұрғын үйден өрт шығып, оқиға орнына бірінші болып учаскелік полиция инспекторы шыққан, ол төрт баланың мүрдесін тапқан.

Сегіз жасар егіздер мен олардың үш және екі жастағы інілері көмірқышқыл газынан уланып қайтыс болғаны мәлім. Сондай-ақ бұрын хабарланғандай, отбасының әкесі жедел жәрдем жүргізушісі болып жұмыс істейді және оқиға кезінде жұмыста болған, ал анасы базардан азық-түлік сатып алуға кеткен.