Кемел Тоқаев өмірге келген Қалпе ауылындағы дауыс беру барысы

Сағат 13:00-ге қарай оның тұрғындарының 70 пайыздан астамы ауылда дауыс беріп үлгерді, арасында сайлау комиссиясы мүшелері үстелдерінде де кезек пайда болды.

Жетісу облысы Қаратал ауданына қарасты Қалпе ауылы қазіргі президент Қосым-Жомарт Тоқаевтың туған жері болып саналады. Президенттің әкесі, белгілі жазушы Кемел Тоқаев осында туып-өскен. Orda.kz тілшісі сайлау учаскесінде болып, жергілікті тұрғындармен тілдесті.

Ауыл тұрғындарының көңіл-күйі көтеріңкі. Олардың көпшілігі учаскеге таңертең келген. Бір кезде комиссия мүшелері үстелдерінің жанында  кезек пайда болды. Сағат 13:00-де Қалпе тұрғындарының 70%-дан астамы дауыс беріп үлгерді.

— Мен өз таңдауымды Жаңа Қазақстанның пайдасына жасадым. Таңертең әйелім екеуміз келіп, өз кандидатымызға дауыс бердік, – дейді Қаратал ауданының ардагері Василий Мартынов.

Ол Қалпе ауылынан шыққан жерлестерін мақтан тұтатынын жеткізді.

— Ауылымызда осындай тұлғалардың дүниеге келгеніне мақтануға негіз бар. Олардың әрқайсысын құрметтеймін, - деп қосты ардагер.

Соңғы уақытқа дейін Тоқаевтың туыстарының бірі осы ауылда тұрғаны белгілі. Бірақ, ауылдастарының айтуынша, ол бір жыл бұрын өмірден өткен. Ол кісі көзі тірісінде президентпен түскен суреттерін көрсетіп, туысы екенін мақтан тұтқан.