Тоқаевтың атынан Қазақстанда арнайы балалар қоры құрылады

Қазақстан Президенті Ұлттық қордың жылдық инвестициялық кірісінің жартысы бөлінетін арнайы қор құруды тапсырды.

— Әрбір отбасы елдің ұлттық байлығын пайдаланғаны үшін нақты табыс алуы керек. Сондықтан мен жариялаған Балалар жылы аясында жаңа «Балаларға арналған ұлттық қор» бағдарламасын іске қосуды аса маңызды деп санаймын. Ұлттық қордың жылдық инвестициялық кірісінің 50 пайызын балалар 18 жасқа толғанға дейін, мерзімінен бұрын алу құқығынсыз арнайы жинақ шоттарына аударуды ұсынамын, - деді Тоқаев.

Кәмелеттік жасқа толғаннан кейін жинақталған сома тұрғын үй сатып алуға және білім алуға жұмсалады.

Қор ұлттық мәртебеге ие болып, халық мүддесіне қызмет ететін болады, деді президент. Жоба 2024 жылдың 1 қаңтарында іске қосылады.