Тоқаев Төтенше жағдайлар министрі Ильинді қызметінен босатты

Мемлекет басшысының Жарлығымен Ильин Юрий Викторович Қазақстан Республикасының Төтенше жағдайлар министрі қызметінен босатылды, деп хабарлады Ақорданың баспасөз қызметі.

Ол 2020 жылдан бері осы қызметте.

Мұның немен байланысты екені ашық айтылмаған. Айта кетейік, Абай ауданында бірнеше күннен бері төтенше жағдай сақталып отыр. Мұнда жалпы ауданы 654 мың гектардан астам «Семей орманы» қорығының қалың  қарағайлы ормандары өртеніп жатыр. Соңғы мәліметтер бойынша, өрт 60 гектардан астам алқапты алып отыр. Өртке байлансты оқиғалары өте тез өрбіді. Орман шаруашылығының 14 қызметкерімен байланыс үзіліп, кейін әуеден шолу арқылы үш адамның мәйіті табылғаны белгілі болды. Олар қайтыс болған, бірақ айналадағы өрттің күштілігіне байланысты оларға жақындау мүмкін болмады.

Өңірдегі өртке байланысты Қазақстан президенті Қасым-Жомарт Тоқаев халықаралық сапарын тоқтатты. Ақорда Тоқаевтың төтенше жағдай орнына баратынын хабарлады.

Өңірде бір күн бұрын Озер ауылдық округіне қарасты Қаштак, Половинки, Тепқашы және Талица ауылдарының тұрғындарын эвакуациялауға дайындалып жатыр. Барлық эвакуацияланғандарды Семейде қабылдауға орын дайын. Онда 800 адамға дейін сиятын 9 эвакуациялық пункт дайындалды.

Ал, Төтенше жағдайлар министрлігі өрт сөндіруге еліміздің 8 облысынан құтқарушыларды тарту туралы шешім қабылдады. Өңірге көмекке әскерилер жіберілді. Бүгін таңертең – 10 маусымда Төтенше жағдайлар министрлігі Өртке қарсы қызмет комитетінің төрағасы Нұрболат Дербісов жағдай тұрақталғанын айтты. Таңертең 8 әуе десанты мен тартылған күштердің жеке құрамы, соның ішінде Қорғаныс министрлігі өртті сөндіруге кірісті. Бірақ өртті сөндіруге жоғары температура мен желдің екпіні кедергі келтіріп, кей жерлерде секундына 10 метрге дейін соққан жел қиындық тудыруда.

Айта кетейік, бұл министр Ильиннің қызметі кезіндегі екінші ірі өрт. Өткен жылы 2 қыркүйекте Қостанай облысында өрт шықты. Келесі күні жалын жақын маңдағы ауылдарға тарады. Одан кейін 43 мың гектардан астам орман қоры, 108-ге жуық үй мен ғимараттар өртенді. Ал 4 қыркүйекте Қазақстанның тағы бес облысында табиғи өрт шықты.