Тоқаев ТМД елдерінің авторлық құқық саласындағы ынтымақтастығы туралы заңға қол қойды

Мемлекет басшысы Қасым-Жомарт Тоқаев «ТМД-ға қатысушы мемлекеттер арасындағы ақпараттық және телекоммуникациялық желілердегі авторлық және сабақтас құқықтар нысандарында құқықтарды қорғау және қамтамасыз ету жөніндегі ынтымақтастық туралы келісімді ратификациялау туралы» заңға қол қойды.

Бұл туралы Ақорда хабарлайды.

Заңның мәтіні баспасөзде жарияланған.

Келісімге ТМД Үкімет басшылары кеңесінің 2021 жылғы 12 қарашадағы отырысында ақпараттық және телекоммуникациялық желілерде, сондай-ақ интернет-ресурстардағы авторлық және сабақтас құқықтар нысандарын пайдалану мәселелерін реттеу мақсатында қол қойылды. ТМД-ға қатысушы мемлекеттердің аумағы;

авторлық құқық және сабақтас құқық нысандарын заңсыз пайдаланудың алдын алу және жолын кесу жөніндегі шараларды әзірлеу және жүзеге асыру; уәкілетті (құзыретті) органдар мен құқық иеленушілер арасындағы ынтымақтастықты тереңдету; уәкілетті (құзыретті) органдар арасында авторлық және сабақтас құқықтар нысандарын заңсыз пайдалануға қарсы іс-қимыл саласындағы ақпарат алмасу;

тұрақты негізде оқу, әдістемелік және арнайы әдебиеттермен, сондай-ақ осы тақырып бойынша ғылыми зерттеулер нәтижелерімен алмасуды қамтамасыз ету, сондай-ақ авторлық және сабақтас құқықтарды қорғау саласындағы ынтымақтастықты тереңдету.