Тоқаев Склярға апат салдары жойылғанша Екібастұзда қалуды тапсырды

Қасым-Жомарт Тоқаев Премьер-Министрдің бірінші орынбасары Роман Склярға апат салдары жойылғанша Екібастұзда болуды тапсырды, деп хабарлады Премьер-Министрдің баспасөз қызметі.

«Мемлекет басшысының тапсырмасымен Қазақстан Республикасы Премьер-Министрінің бірінші орынбасары Роман Скляр қаланың жылу желілеріндегі апаттың салдарын жою жұмыстарын бақылау үшін Екібастұзда жұмысын жалғастыруда» делінген хабарламада.

Нақтыланған мәліметтер бойынша сағат 12.00-де жылу берілмеген 76 үйдің 48-інде жұмыс аяқталды, тағы 28-інде қажетті шаралар жүргізілуде.

Барлығы 50-ден астам бірлік жұмылдырылған. Ол жерде 36 бригада (261 адам) жұмыс істеуде.