Тоқаев Шерхан Мұртаза ескерткішіне гүл шоғын қойды

Мемлекет басшысы жұмыс сапарымен Жамбыл облысына келді. Қасым-Жомарт Тоқаев бірқатар агроөнеркәсіп кешенін аралап, аймақтағы әлеуметтік нысандардың қызметімен танысады.

Ақорданың баспасөз қызметі хабарлағандай, президент Жамбыл облысындағы сапарын жазушы Шерхан Мұртаза ескерткішіне гүл шоғын қоюдан бастады.

– Шерағаң – халқымыздың біртуар азаматы, заңғар жазушы десек артық айтқандық емес. Жас кезімізден бастап біз бәріміз оның «Қызыл жебе» романын, басқа да шығармаларын оқыдық. Әсіресе, «Бір кем дүние» туындысы әлі күнге дейін өзекті. Халқымызға, әсіресе, жастарға рухани азық болған дүние деп айтуға болады. Сондықтан жазушының ескерткішіне арнайы келіп, тағзым етіп отырмыз, – деді Тоқаев.