Тоқаев шалғай ауылдарды SpaceX және OneWeb спутниктік интернетімен қамтамасыз етуді тапсырды

Қазақстан президенті Қасым-Жомарт Тоқаев АҚШ-қа сапары барысында Microsoft, Amazon, Epam, Coursera компанияларының басшылығымен кездесулер өткізді. Бұл компаниялар Қазақстанда өкілдіктерін ашады.

Бұл туралы президент Астанада өткен Digital Bridge 2022 технологиялық форумының пленарлық отырысында айтты. Ол IT саласын дамыту мемлекеттік саясаттың маңызды және тұрақты басымдығы болып табылатынын еске салды.

 — Жақында АҚШ-та жүргенімде Microsoft, Epam, Coursera сияқты компаниялардың басшыларымен бірқатар кездесу өткіздім. Сондай-ақ Қазақстанмен ынтымақтастықты тереңдету және елімізде локализациялау жөнінде нақты келісімдерге қол жеткізілді, - деді Тоқаев.

Ол еліміздің Microsoft Azure, Amazon Web Services, Google Cloud және т.б. сияқты ең ірі ойыншыларды қазақстандық нарыққа тартып жатқанын айтты.

Президент еліміздің шалғай елді мекендерін интернетпен қамту мәселесін де көтерді.

 — Цифрлық даму министрлігі ең шалғай ауылдарды SpaceX және OneWeb төмен орбиталық спутниктік жүйелермен қамту жұмысын күшейтуі керек, - деді президент.

Қазақстан Еуразия кеңістігіндегі ең ірі цифрлық хабтардың бірі болуды алдына стратегиялық мақсат етіп қойды, деп есептейді президент.