Тоқаев Семей өңірінің қауіпсіздігі туралы заңға қол қойды

Қазақстан президенті Қасым-Жомарт Тоқаев «Семей ядролық қауіпсіздік аймағын құру туралы» заңға қол қойды, деп хабарлады Ақорда.

«Мемлекет басшысы «Семей ядролық қауіпсіздік аймағы туралы» Қазақстан Республикасының Заңына қол қойды» делінген  жарияланған құжатта.

Айта кетерлігі, заң жобасын қабылдаудың негізгі мақсаты радиациялық ластанған және таза жерлерді бөлу, ластанған аумақтарда радиациялық қауіпсіздікті қамтамасыз ету, аумақты қалпына келтіру және полигон жерлерін пайдалануға мемлекеттік бақылауды күшейту.

Кешенді экологиялық зерттеу және мемлекеттік экологиялық сараптама қорытындысы бойынша ластанған аумақтарда мамандандырылған аймақ құру жоспарланып отырғаны хабарланды.

«Семей ядролық қауіпсіздік аймағы туралы» заң жобасында қамтылғандар:

1) «радиоактивті ластанудың шамадан тыс ластануына ұшыраған бұрынғы Семей полигоны және оған іргелес аумақ жерлерінде арнайы аймақ – «Семей ядролық қауіпсіздік аймағын» құру;

2) радиоактивті ластану таралуын шектеу;

3) полигон аумағында тарихи қалыптасқан радиоактивті қалдықтарды жинау, орналастыру және көму арқылы Семей ядролық қауіпсіздік аумағын қалпына келтіру;

4) Семей ядролық қауіпсіздік аймағындағы радиоактивті ластану деңгейіне үздіксіз мониторинг жүргізу»  делінген хабарламада.