Тоқаев Республика күнін ресми түрде бекітті

Республика күні тағы да мемлекеттік мерекеге айналды. Енді ресми түрде.

Президент Тоқаев кинематография, мәдениет және мерекелер мәселелері бойынша 25 қазан – Республика күнін мемлекеттік мерекелер қатарына қайтаруды көздейтін түзетулерге қол қойды.

Айта кетсек, қазан айында Республика күніне байланысты демалыс күндерін кейінге қалдыру жоспарлануда. Еңбек және халықты әлеуметтік қорғау министрлігі үкімет қаулысына тиісті түзетулер әзірледі.

«Осыған байланысты мереке күндері жұмыс уақытын тиімді пайдалану мақсатында қаулыны толықтыру ұсынылады, онда демалыс күнін 22 қазан сенбіден 24 қазан дүйсенбіге ауыстыру жоспарлануда» делінген заң жобасында.

Осылайша, 22 қазан, сенбі жұмыс күні болып, Республика күні қазақстандықтар 3 күн демалады: 23, 24 және 25 қазан.

Еске салсақ, бұған дейін Қазақстанда Республика күні 25 қазанда – 1990 жылы Қазақ КСР-нің мемлекеттік егемендігі туралы Декларация қабылданған күні тойланатын. Тәуелсіздік күнімен қатар бұл күн жұмыс істемейтін күн болды. 2009 жылы Республика күні мемлекеттік мереке болудан қалған.