Тоқаев Ресейдегі әскери тәртіпсіздікке байланысты Қауіпсіздік кеңесіне бірқатар тапсырма берді

Қасым-Жомарт Тоқаев Ресейдегі әскери тәртіпсіздікке байланысты Қауіпсіздік кеңесіне бірқатар тапсырма берді, деп хабарлайды Ақорданың баспасөз қызметі.

«Мемлекет басшысы Қауіпсіздік кеңесінің кезектен тыс отырысын өткізді. Шара барысында Мемлекет басшысы Премьер-Министрдің, Бас Прокурордың, Ұлттық қауіпсіздік комитеті төрағасының, Қорғаныс, Ішкі істер және Сыртқы істер министрлерінің Ресей Федерациясындағы жағдайға байланысты тапсырмаларды орындау шаралары туралы есептерін тыңдады» делінген хабарламада.

Ақорда қазақстандықтарды Қазақстанмен әлемдегі ең ұзын шекарасы бар дос елдегі жағдай алаңдатып отырғанын атап өтті.

Президент Ресей Қазақстанның стратегиялық әріптесі екенін атап өтті.

Тоқаев Ресей билігінің конституциялық тәртіпті қалпына келтіру және өз азаматтарының қауіпсіздігін қамтамасыз ету шараларын қолдады. Қасым-Жомарт Тоқаев соғыс қимылдарын тоқтату туралы келісімді құптады.

Мемлекет басшысы атап өткендей, қоғамдық тәртіп пен әлеуметтік-экономикалық дамуды қамтамасыз етудің негізі ретіндегі заңдылық қағидаты кез келген мемлекеттің, оның ішінде Қазақстанның да ішкі саясатындағы басты басымдық болуы тиіс.

«Кездесу барысында елдегі қаржылық-экономикалық тұрақтылықты, сондай-ақ Қазақстан азаматтарының қауіпсіздігін қамтамасыз ету қажеттігі атап өтілді. Мемлекет басшысы барлық ведомство басшыларына дағдарыстық жағдайлардың ықтимал қауіптеріне ден қоюға дайын болуды тапсырды» делінген хабарламада.

Қауіпсіздік кеңесінің отырысының қорытындысы бойынша Мемлекет басшысы Үкімет әзірлеген Жедел іс-шаралар жоспарын бекітті.