Тоқаев Қытайдан келетін туристер айтарлықтай өсетінін айтты

Қазақстан-Қытай инвестициялық дөңгелек үстелінде мемлекет басшысы Қасым-Жомарт Тоқаев сөз сөйледі.

Бұл туралы Ақорда хабарлайды.

«Қазақстан Әзірбайжан, Грузия және Түркия елдерімен бірлесіп, бірыңғай тариф саясатын қалыптастыруға кірісті. Сонымен қатар, ортақ цифрлық платформа жасалады. Осы дәліз арқылы жүк тасымалдаудың басқа да мәселелері шешімін табады.

Қазақстан қытай туристері үшін тартымды бағыттың бірі бола алады. Отыз күнге дейін визасыз жүру туралы Үкіметаралық келісімге қол қойылды. Бұл қадам елімізге Қытайдан туристердің көптеп келуіне жол ашары сөзсіз.

Жаңа туристік бағыттар ашып отырамыз. Қазір Қазақстанның 13 қаласына «Ашық аспан» режимі енгізілді. Сондай-ақ, 80 мемлекеттің азаматына визасыз келуге рұқсат берілді», – деді Тоқаев.