Тоқаев: Қытай мен Орталық Азияның жақындығына күмән жоқ

Президент Қасым-Жомарт Тоқаев Қытайға мемлекеттік сапары қарсаңында Қытайдың CCTV арнасына сұхбат берді.

Президент халықаралық мәселелерді көрсетуге маманданған «Leaders Talk» бағдарламасы жүргізушісінің сұрақтарына жауап берді. Қасым-Жомарт Тоқаев сұхбатты ағылшын және қытай тілдерінде берді.

Журналист Қасым-Жомарт Тоқаевтан Қазақстан президенті «осы геосаяси тепе-теңдікте Қытай мен Орталық Азияның жақындығы артып келе жатқанына» алаңдайтындарға қалай жауап беретінін сұрады.

«Бұл туралы ешқандай күдік болмауы керек, өйткені біздің ниетіміз өте ашық және шынайы. Қытай экономикасы жағынан әлемде екінші орында, сондықтан біз Қытайдың рөлін мойындап, сіздердің елдеріңізбен өте жақсы қарым-қатынас орнатуымыз керек», - деді Тоқаев.

Қазақстан Президентінің айтуынша, «Қазақстан Республикасының тарихи тағдыры - бейбіт өмір сүру, барлық елдермен достық қарым-қатынасты ұтымды пайдалану».

«Біріншіден, Қытай өте маңызды рөл атқаратын ең жақын көршіміз. 2019 жылдың қыркүйегінде мен Қытайға мемлекеттік сапармен бардым. Төраға Си Цзиньпинмен тамаша келіссөздер жүргіздік. Біз халықтарымызды жақындастырудың өзара тиімді саясатын жүргізуге келістік. Бұл екі ел арасындағы стратегиялық әріптестікті, мәңгілік достықты ілгерілетуіміз керек дегенді білдіреді. Бұл көбіне қазақ халқының ұзақ мерзімді мүддесі деп ойлаймын және мен бұл саясатты берік ұстанамын. Және, әрине, біз ең жақын көршіміз Қытаймен стратегиялық серіктестіктің маңыздылығына күмәнданбаймыз», - деді Тоқаев.

Тоқаев екіжақты экономикалық қарым-қатынастарды дамытуға ниетті екенін атап өтті.

«Біз экономикалық ынтымақтастық саласында тамаша нәтижелерге қол жеткіздік, бірақ әлі де алға жылжу керек. Сондықтан Қытай өркениетінің бесігі саналатын Сиань қаласына алдағы сапарымды асыға күтемін. Менің ойымша, бізге жаңа келісімдер, жаңа мәмілелер қажет, өйткені бір орында тұрып, нәтижекүтудің қажеті жоқ. Біз осы күрделі әлемде экономикалық байланыстарымызды ілгерілетуге күш салуымыз керек. Мен екі елдің жастары арасындағы ынтымақтастық пен достық қарым-қатынасты дамытуға табанды жұмыс істеймін. Өскелең ұрпақ бір-бірін білуі керек», - деді ол.

Қазақстан Президенті стратегиялық ынтымақтастық туралы сұраққа да жауап берді.

«Қытай әлемде ғана емес, Орталық Азияда барған сайын маңызды рөл атқаруда және бұл заңдылық. Менің ойымша, Орталық Азиядағы барлық әріптестерім Қытаймен қарым-қатынасымыздан пайда көріп жатқанымен келіседі. Осындай ынтымақтастықты ілгерілету үшін күш саламыз», - деді ол.

Еске салайық, 17-19 мамырда Тоқаев Қытайға мемлекеттік сапармен барады. Сиань қаласында Си Цзиньпинмен келіссөздер өтеді. Қазақстан Президенті Қытайдың ірі компаниялары басшыларымен де кездесуді жоспарлап отыр. Ақордада атап өтілгендей, Тоқаевтың 30 күнге дейін өзара визасыз режим туралы келісімге қол қоюы жоспарланған Орталық Азия + Қытай саммитінің жұмысына қатысуы сапар бағдарламасының маңызды тармағы болмақ.