Тоқаев Қытай басшысы Си Цзиньпинмен кездесті

Қытайға іс-сапармен келген Қазақстан президенті Қасым-Жомарт Тоқаев ҚХР Төрағасы Си Цзиньпинмен кездесті.

Бұл туралы Ақорда баспасөз қызметі хабарлайды.

Еске салсақ, Қасым-Жомарт Тоқаев өз туған күнінде Қытай Халық Республикасына мемлекеттік сапармен келді.

Сапар аясында Мемлекет басшысы ҚХР Төрағасы Си Цзиньпинмен келіссөз жүргізеді. Кездесу барысында екі ел арасындағы стратегиялық серіктестікті одан әрі нығайту, сауда және экономика, инвестиция, көлік-логистика, энергетика салаларындағы ынтымақтастықты кеңейту, сондай-ақ мәдени-гуманитарлық байланыстарды тереңдету мәселелері қарастырылады.