Тоқаевтың Құлыбаевты не үшін отставкаға жібергені айтылды

Премьер-министрдің орынбасары, сыртқы істер министрі Мұхтар Тілеуберді президент Қасым-Жомарт Тоқаевтың бұдан былай теңсіздік болмайтыны туралы сөзін түсіндірді.

Бұл туралы Тілеуберді француздық France 24 телеарнасына берген сұхбатында айтты.

– Бұрынғы президенттің күйеу баласының елеулі қызметтен алынуы президенттің елді басқаруда проблемалар бар деп санайтынының белгісі. Бұрынғы президент пен оның жақын ортасының бұл әрекеті – оның позициясын тұрақсыздандыру үшін атқарған болуы мүмкін, – деді жүргізуші.

Тележүргізушінің айтуынша, президент бірқатар адамдарды қызметінен босатуға мәжбүр болды. Өйткені, олар халықтың наразылығын тудырды.

Өз кезегінде Тілеуберді президентті мұндай шешімдерге ешкім итермелеген жоқ деп жауап берді.

– Тимур Құлыбаев (экс-президент Нұрсұлтан Назарбаевтың күйеу баласы) Ұлттық кәсіпкерлер палатасының («Атамекен» ҰКП) басшылығынан өз еркімен кетті. Біздің президент бұдан былай байлықта теңсіздікке жол жоқ екенін түсіндірді, – деді ҚР СІМ басшысы.

Сондай-ақ, Тілеубердінің айтуынша, Қазақстан билігі халықаралық қауымдастыққа қаңтар оқиғасы кезінде қарулы содырлар арасында шетелдік лаңкестердің болғаны туралы дәлелдер беруге дайын.