Тоқаев Қазақстанның сыртқы саясаты туралы мәлімдеме жасады

Президент Қасым-Жомарт Тоқаев сыртқы саясатта қандай стратегия ұстанатынын айтты.

— Қазақстан ұлттық мүдделерді қорғауға бағытталған теңгерімді, сындарлы сыртқы саясатты жүзеге асыруды жалғастырады. Негізгі назар көршілес мемлекеттермен – Ресеймен, Қытаймен және Орталық Азиядағы бауырлас елдермен, интеграциялық әріптестермен өзара тиімді ынтымақтастық пен стратегиялық серіктестік мәселелеріне аударылады.

Біз АҚШ-пен, Еуропалық Одақпен, Азия, Таяу Шығыс және Кавказ мемлекеттерімен, сондай-ақ барлық мүдделі елдермен көпқырлы ынтымақтастықты дамытуға бар күш-жігерімізді саламыз, - деді Тоқаев инаугурация рәсімінде.

Ол Қазақстанның қазіргі заманғы халықаралық құқық пен БҰҰ Жарғысын ұстанатынын баса айтты.