Тоқаев пен Путин қазан айында елордада кездеседі

Ресей президенті Владимир Путин Азиядағы өзара іс-қимыл және сенім шаралары жөніндегі кеңеске қатысады. Шара 12-14 қазан аралығында Нұр-Сұлтан қаласында өтеді.

Путин сондай-ақ, Орталық Азия-Ресей форматында саммит өткізеді. Бұл туралы Мемлекет басшысының халықаралық істер жөніндегі көмекшісі Юрий Ушаков мәлімдеді, деп хабарлайды ria.ru.

— Біздің көшбасшымыз Нұр-Сұлтанда Азиядағы өзара іс-қимыл және сенім шаралары жөніндегі кеңеске қатысады, ал сол жерде Нұр-Сұлтанда ТМД саммиті өтеді деп күтілуде. Бұл қазан айының ортасы - дәлірек айтсақ, 12-14 қазан аралығы,- деді Ушаков журналистерге.

Азиядағы өзара іс-қимыл және сенім шаралары кеңесі (АӨСШК) – Азиядағы бейбітшілікті, қауіпсіздікті және тұрақтылықты қамтамасыз етуге бағытталған халықаралық форум. Ол 1992 жылы құрылған. Бүгінгі таңда аймақтың 27 мемлекеті АӨСШК мүшелері болып табылады. Қазақстандық тарап 2020-2022 жылдардағы Кеңестің төрағасы болды.