Тоқаев парамен ұсталған судьяны қызметтен босатты

Мемлекет басшысы Қасым-Жомарт Тоқаев «Қазақстан Республикасы соттары төрағаларын, сот алқалары төрағаларын және судьяларын қызметке тағайындау және қызметтен босату туралы» Жарлыққа қол қойды.

Атап айтқанда, Нұрлан Баяхметов елордалық соттың судьясы қызметіне тағайындалды. Ол бұған дейін Астана қаласының қылмыстық істер жөніндегі ауданаралық сотының судьясы болған. Алматы қалалық сотының судьялары болып: Жанар Аханова (Жетісу облыстық сотының бұрынғы судьясы), Анар Әбілова (Алматы қаласының мамандандырылған ауданаралық экономикалық сотының бұрынғы судьясы), Ақмарал Исабаева (мамандандырылған ауданаралық сотының бұрынғы судьясы). Алматы қаласының Әкімшілік құқық бұзушылық істері жөніндегі соты), Нұржан Қарабаев (Алматы қаласы Алатау аудандық сотының судьясы) тағайындалды.

Сондай-ақ Батыс Қазақстан облыстық сотының, Жамбыл облыстық сотының, Солтүстік Қазақстан облыстық сотының және т.б. судьялар тағайындалды.

Соттың айыптау үкімі заңды күшіне енуіне байланысты Игорь Дудин тәртіптік теріс қылық жасағаны үшін Қостанай облыстық сотының судьясы қызметінен, Алтынбек Мадемаров Тараз қалалық сотының төрағасы қызметінен босатылды. Еске салайық, Алтынбек Мадемаров сыбайлас жемқорлыққа қатысты қылмыс жасады деп айыпталып, үш жылға бас бостандығынан айырылған болатын.