Тоқаев Өзбекстан президентімен кездесті

Шымкентте Қасым-Жомарт Тоқаев пен Шавкат Мирзиёевтің бейресми кездесуі өтті.

Қазақстан мен Өзбекстан басшылары екі ел арасындағы одақтастық қарым-қатынастарды нығайтудың қазіргі жағдайы мен перспективаларын, сондай-ақ Қасым-Жомарт Тоқаевтың 2022 жылғы желтоқсандағыТашкентке мемлекеттік сапарының қорытындысы бойынша қол жеткізілген уағдаластықтарды жүзеге асыру барысын талқылады.

Президенттер сауда-экономикалық ынтымақтастық мәселелеріне ерекше назар аударды. Атап айтқанда, өзара сауданы арттыру, инвестиция тарту, өнеркәсіп, энергетика, ауыл шаруашылығы, көлік және логистика салаларындағы ынтымақтастықты дамыту перспективалары сөз болды.

Сонымен қатар өңірлік күн тәртібіндегі өзекті мәселелер бойынша пікір алмасу болды.