Тоқаев мемлекеттік қызметкерлер мен полицейлерді құттықтады

Президент Қасым-Жомарт Тоқаев Қазақстанның мемлекеттік қызметшілері мен полицейлерін құттықтады.

Мемлекет басшысы Twitter-дегі парақшасында мемлекеттік қызметшілер күні мен полиция күніне арнап жазған құттықтауын жариялады.

«Мемлекеттік қызметшілерді және тәртіп сақшыларын кәсіби мерекелерімен құттықтаймын! Әділетті Қазақстанды құру үшін әрбір қызметшінің отаншыл, адал болуы және өз ісіне жауапкершілікпен қарауы өте маңызды. Сіздер ел игілігіне қызмет етудің озық үлгісін көрсетесіздер деп сенемін» деп жазылған құттықтау хатта.