Тоқаев Лукашенкомен кездесті

Мемлекет басшысы Беларусь президенті Александр Лукашенкомен кездесті. Қасым-Жомарт Тоқаев АӨСШК пен ТМД саммиттеріне қатысқаны үшін Александр Лукашенкоға алғыс айтты. Бұл туралы президенттің баспасөз қызметі хабарлады.

Әңгімелесу барысында президенттер екі ел арасындағы көпжоспарлы ынтымақтастықтың қазіргі жағдайы мен қарым-қатынастарды одан әрі нығайту перспективаларын талқылады.

– Мен Үкімет мүшелеріне сауда-саттықты, инвестициялық ынтымақтастықты арттырып, жобаларды ілгерілету үшін барлық мүмкіндікті жасау қажет деп үнемі айтып отырамын. Қолда бар әлеуетті пайдалану қажет. Менің тарапымнан тиімді көпжақты ынтымақтастықты одан әрі дамыту үшін барлық шаралар қабылданады, – деді Тоқаев.

Александр Лукашенко саммитке шақырғаны үшін мемлекет басшысына алғыс айтып, АӨСШК-ті одан әрі нығайтудың әлеуеті мол екенін жеткізді.

– АӨСШК ұйымын жаһандық деңгейде дамыта бастағаныңыз өте дұрыс, – деді ол.