Тоқаев Конституциялық Соттың судьялық корпусында бірқатар тағайындаулар жасады

ҚР Конституциялық сотының судьялары Президент жарлықтарымен тағайындалды.

Ақорданың хабарлауынша, бүгін Тоқаев Конституциялық соттың судьялық құрамын тағайындау туралы жарлықтарға қол қойды.

• Қайрат Жақыпбаев 2023 жылғы 1 қаңтардан бастап Қазақстан Республикасы Конституциялық Сотының судьясы болып тағайындалды, ол Қазақстан Республикасы Президенті Әкімшілігінің мемлекеттік-құқықтық бөлімінің меңгерушісі қызметінен босатылды;
• Айжан Жатқанбаева 2023 жылғы 1 қаңтардан бастап Қазақстан Республикасы Конституциялық Сотының судьясы болып тағайындалды;
• Бақыт Нұрмұханов 2023 жылғы 1 қаңтардан бастап Қазақстан Республикасы Конституциялық Сотының судьясы болып тағайындалды;
• Роман Подопригора 2023 жылдың 1 қаңтарынан бастап Қазақстан Республикасы Конституциялық сотының судьясы болып тағайындалды.

Еске салайық, бір күн бұрын Қазақстан Президенті «Қазақстан Республикасының кейбір конституциялық заңдарына өзгерістер мен толықтырулар енгізу туралы» және  «Қазақстан Республикасының кейбір заңнамалық актілеріне Мемлекет басшысының кейбір тапсырмаларын орындау мәселелері бойынша өзгерістер мен толықтырулар енгізу туралы» заңдарына қол қойған болатын.

Сонымен қол қойылған заңдар:

«Қазақстан Республикасының кейбір конституциялық заңдарына өзгерістер мен толықтырулар енгізу туралы» Қазақстан Республикасының Конституциялық заңы.

«Қазақстан Республикасының кейбір заңнамалық актілеріне Қазақстан Республикасы азаматтарының төлем қабілеттілігін және банкроттығын қалпына келтіру мәселелері бойынша өзгерістер мен толықтырулар енгізу туралы» Қазақстан Республикасының Заңы

«Қазақстан Республикасының Әкімшілік құқық бұзушылық туралы кодексіне Қазақстан Республикасы азаматтарының төлем қабілеттілігін және банкроттықты қалпына келтіру мәселелері бойынша өзгерістер мен толықтырулар енгізу туралы» Қазақстан Республикасының Заңы.