Тоқаев кездескен бизнесмендер арасында Құлыбаев та болды

9 қыркүйекте Қазақстан президенті Қасым-Жомарт Тоқаев ірі бизнес өкілдерімен кездесу өткізді.

Жиынға қатысқан танымал тұлғалардың арасында Қазақстанның бұрынғы президенті Нұрсұлтан Назарбаевтың ортаншы қызы Динара Құлыбаеваның күйеуі Тимур Құлыбаев та болды.

Тимур Құлыбаев Динара Құлыбаевамен бірге «ALMEX Holding Group» АҚ арқылы Халық банкіне иелік етеді. Сондай-ақ оның қазақстандық активтерінің қатарында «Фирма ALMEX Plus» ЖШС, «Кипрос» ЖШС, «Mercury Properties» ЖШС, «Ақсайгазсервис» АҚ және тағы басқалары бар.

Сонымен қатар, кездесуден Александр Машкевич, Болат Өтемұратов және Айдын Рахымбаевты көруге болады.

Айта кетейік, Құлыбаев 9 маусымда президент Қасым-Жомарт Тоқаевтың төрағалығымен өткен Шетелдік инвесторлар кеңесінің отырысына қатысты.