Тоқаев грек-рим күресі жеңімпаздарын құттықтады

Тоқаев грек-рим, еркін және әйелдер күресінен Еуропа чемпионатының жеңімпаздары мен жүлдегерлерін құттықтады.

Мемлекет басшысы Қасым-Жомарт Тоқаев Астанада грек-рим, еркін және әйелдер күресінен өткен Азия чемпионатында табысты өнер көрсеткен қазақстандық спортшыларды жоғары нәтижелермен құттықтады, деп хабарлайды Ақорда.

«Сіздер нағыз жауынгерлік рух көрсетіп, ел намысын лайықты қорғадыңыздар. Бүкіл турнир бойы көрсеткен қажырлы еңбектеріңіз, жоғары шеберліктеріңіз және жеңіске деген жігер барша қазақстандық жанкүйерлер үшін нағыз сыйлық болды. Сіздердің тамаша жетістіктеріңіз өскелең ұрпақ үшін спортқа ынталандыру болары сөзсіз. Ұлттық күрес мектебін дамытуға мемлекет тарапынан жан-жақты қолдау көрсетілуде. Соның жарқын дәлелі – балуандарымыздың ең беделді спорттық жарыстардағы тамаша нәтижелері» делінген Президент құттықтауында.

Мемлекет басшысы спортшыларымызды  спортта жарқын белестер күтіп тұрғанына сенім білдірді