Тоқаев Ердоғанға Түркі әлемінің жоғары орденін табыстады

Мемлекет басшысы Қасым-Жомарт Тоқаев Түркия президенті Режеп Тайып Ердоғанға Түркі әлемінің жоғары орденін табыстады.

- Бірлігіміз күн сайын нығайып келеді. Соның арқасында түркі әлемінің халықаралық аренадағы саяси беделі айтарлықтай артты. Өткен жылы Түркі мемлекеттері ұйымын жоғары құрметті Режеп Тайып Ердоған мырза басқарып, Ұйымның беделін көтеруге және оның ықпалын күшейтуге зор үлес қосты. Осы мүмкіндікті пайдалана отырып, досымыз және әріптесіміз Ердоған мырзаға шын жүректен ризашылығымызды білдіргіміз келеді, - деді Тоқаев Өзбекстанда өткен Түркі мемлекеттері ұйымының саммитінде.

Келер жылы Республиканың жарияланғанының жүз жылдығын тойлайтын бауырлас Түркия алдағы уақытта да Түркі мемлекеттері ұйымы елдері арасындағы ынтымақтастықты нығайтуға өз үлесін қосатынына сенімді.

- Осыған байланысты мен Реджеп Тайып Ердоған мырзаны Түркі әлемінің жоғары орденімен марапаттауды ұсынғым келеді. Бұл ұсыныс бірауыздан қолдау тапты, ол үшін барлығына алғысымды білдіремін, - деп қосты Тоқаев.