Тоқаев ең ықпалды мұсылмандар тізіміне енді

Аммана корольдік исламдық стратегиялық зерттеулер орталығы әлемдегі ең ықпалды 500 мұсылманның тізімін жариялады.

Рейтингте жыл сайынғы қажылықты өткізуге және әлемнің түкпір-түкпірінен миллиондаған қажыларға қамқорлық жасауға жауапты Сауд Арабиясының королі Салман бен Абдул-Азиз әл-Сауд бірінші орынға шықты. Оның мұрагері, ханзада Мұхаммед бен Салман рейтингтің 10-шы қатарында орналасқан.

Иранның рухани көсемі аятолла Әли Хаменеи екінші, Катар әмірі шейх Тамим бен Хамад әл-Сани үшінші орын алды. Рейтингте төртінші орынды Түркия басшысы Режеп Тайып Ердоған иеленді. 2017 жылдан бері мемлекетке қарсы мәлімдеме жасағаны үшін түрмеде жалғыз отырған саудиялық теолог және ойшыл Салман әл-Ауданы рейтинг авторлары 12-ші қатарға орналастырды.

Тізімде Қазақстанның екі өкілі – президент Қасым-Жомарт Тоқаев пен әнші Димаш Құдайберген орын алды. Олар тізімге бірінші рет кірді, бірақ үздік 50-ге кіре алмады.

«Димаш – бастан сопраноға дейін кең вокалдық диапазоны бар әнші, ән авторы және мульти-аспапшы. Ол елде де, шетелде де сенсацияға айналды. Өз еліндегі қайырымдылық жұмыстарымен танымал және оның туған қаласы Ақтөбе жақында оған арналған мұражай ашылғанын жариялады» делінген Амман корольдік исламдық стратегиялық зерттеулер орталығының мәтінінде.

Мәтінде Тоқаевтың «бірте-бірте реформаларды жүзеге асырып, елді демократиялық және ашық мемлекетке айналдырып жатқаны» айтылған.

Сондай-ақ Корольдік ислам орталығы жылдың басты оқиғаларын атап өтті. Оның ішінде:

• Қазақстандағы қаңтар оқиғалары;

• ҰҚШҰ әскерлерінің Қазақстанға кіруі;

• Қазақстандық теннисші Елена Рыбакина Уимблдондағы жеңісі;

• Ресейдегі мобилизация, сондай-ақ Ресей азаматтарының әртүрлі елдерге (соның ішінде Қазақстанға) келуі бар.