Тоқаев елордаға Астана атауын қайтарды

Қазақстан президенті Қасым-Жомарт Тоқаев түзетулерге қол қойып, елордаға Астана атауын қайтарды.

– Мемлекет басшысы «Қазақстан Республикасының Конституциясына өзгерістер мен толықтыру енгізу туралы» Қазақстан Республикасының Заңына қол қойды, – деп хабарлады Ақорданың баспасөз қызметі.

Еске салайық, 1 қыркүйекте президент Қасым-Жомарт Тоқаев Қазақстан халқына арнаған Жолдауында күздің соңына дейін Қазақстанда кезектен тыс президент сайлауы өтетінін айтқан болатын.

Мемлекет басшысы екінші президенттік мерзімге өз кандидатурасын ұсыну ниетін растады. Сонымен қатар, 2023 жылдың бірінші жартысында парламент пен мәслихатқа сайлау өткізу жоспарланған.

2 қыркүйекте Мәжіліс депутаттары президентті 7 жыл мерзімге бір ғана мәрте сайлауды және Астана атауын қайтаруды ұсынды.