Тоқаев электр самокаттарға қатысты заңға қол қойды

Президент Қасым-Жомарт Тоқаев жол қозғалысын ұйымдастыру мәселелері жөніндегі заңға қол қойды. Бұл туралы Ақорданың баспасөз қызметі хабарлады.

«Мемлекет басшысы «Қазақстан Республикасының кейбір заңнамалық актілеріне жол жүрісін ұйымдастыру мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды» деп жазылған хабарламада.

Бұған дейін Сенат депутаттары заң жобасын мақұлдаған болатын. Заң жобасы олқылықты жоюға және шағын электр көліктерін, сондай-ақ электр самокаттарды пайдалану мәселелерін заңнамалық реттеуді енгізуге бағытталған.

Айта кетейік, бұдан былай электр самокаттардың жүргізушілері велосипед жолымен жүреді. Шарттар мен тыйымдарды сақтай отырып, жолдың оң жақ шеті бойынша электр самокаттарға жүруге рұқсат. Ол үшін жүргізуші 18 жасқа толуы керек және қауіпсіздік ережесін қатаң сақтауы тиіс.