Тоқаев Бүкілармиялық кеңес өткізеді

Мемлекет басшысы Қасым-Жомарт Тоқаев Отан қорғаушы күні мен Жеңіс күніне арналған бірқатар іс-шараға қатысады. Бұл туралы Ақорданың баспасөз қызметі хабарлады.

«Президент – Қарулы Күштердің Жоғарғы Бас қолбасшысы 5 мамырда Бүкілармиялық кеңес өткізеді, ал 9 мамырда Астанада Ұлы Отан соғысында қаза тапқан боздақтардың рухына тағзым етеді деп жоспарланып отыр» деп жазылған хабарламада.

Биыл елімізде 7 мамыр - Отан қорғаушы және 9 мамыр - Жеңіс күні мейрамына орай әскери шеру өтпейді. Қорғаныс министрлігі шерудің бюджет қаражатын үнемдеу мақсатында өтпейтінін айтты.