Тоқаев Азияны келіссөзге шақырып, өзара басқосуға жинады. Президенттік сайлау өршіп тұр. Болат Назарбаев намысын қорғай алды ма?

Астанада осы аптада бірқатар ірі халықаралық саммит өтті. Елордаға бірден 11 елдің басшысы келді. Олардың арасында Ердоған, Путин, Лукашенко, Жапаров, Эмомали Рахмон бар. 13 қазанда АӨСШК саммиті – Азиядағы сенім және қауіпсіздік шаралары жөніндегі кеңес өтті. Әңгіме тақырыбы әралуан болды. Путин әдеттегідей келе жатқан көпполярлылық дәуірі, «алтын миллиард» қастандығы және Батыс ықпалынсыз қаржылық тәуелсіздік туралы айтты. Ердоған Қазақстанға келген соң Instagram парақшасында: «Бабалар жерінде» деп жазды. Ол жоспарланғандай, Путинмен Украинамен бітімге келу туралы сөйлесе алмады.

Жапаров пен Рахмон шекарадағы қақтығыс тақырыбын тікелей талқылауға шығармағанымен, іштегі қыжылын шығара алмай, тістеніп отырды. Іс-шараның барлығы Қазақстан есебінен өтті. АӨСШК толыққанды ұйымға айналса, еліміздің шығыны мен күш-жігері өз жемісін береді, егер олай болмаған күнде,  кезекті бос шығын болары анық.

Сайлау жарысы  қызып барады. Үш үміткер – Хайрулла Ғабжәлілов, Талғат Ерғалиев, Фатима Бизақова президенттік бәсекеден шеттетілді. Олардың жарыстан шығып қалуын ОСК мемлекеттік қызметтегі тәжірибенің жеткіліксізідігімен түсіндірді.  

Нұржан Әлтаевқа «тоқтау» қойылды. Ол емтиханнан өтті, мемлекеттік қызметте тәжрибесі бар. Бірақ өзін ұсынған «Мұқалмас» ұйымы оны қолтаңбаларды бұрмалады деп айыптады. Бұл тұрғыда ОСК өз тергеуін жүргізіп жатыр. Бірақ бәрі біз ойлағандай соншалықты қарапайым және оңай емес - біз бұл жағдай туралы Алтаевтан түсініктеме алдық.

Жусан Нұрсұлтан Назарбаевтан бас тартты. Банк Қазақстанның тұңғыш президентіне тиесілі емес екенін айтып, жалған ақпарат үшін сотқа береміз деп сес көрсетті. Ал, экс-елбасының інісі Болат Назарбаев намысын қорғай білді. «Алматы стекло» компаниясының құрылтайшысы Абдуллаев оны рейдерлік әрекетке барды деп айыптап, сотқа берді. Бірақ отандық сот кіші Назарбаевтың ісінен қылмыс құрамын таппай әлек.

Журналистерге шабуыл жалғасуда. Бұл жолы жол төсеміндегі жазу мен сынған есік түріндегі «ескертулерді» Elmedia редакторы Гүлжан Ерғалиева алды. Біздің редакция да осындай арандатушылықтарға ұшырады. CPJ Журналистерді қорғау комитеті Orda.kz сайтын қорғап мәлімдеме жасады. Ол Қазақстан билігі бізге соңғы кездегі қоқан-лоққыларды жан-жақты тексеруі керек деп мәлімдеді.

Бұл апта қандай оқиғалар  болды? Ол немен есте қалады? Біздің шолудан қараңыз.