Тоқаев Абай облысындағы өртті сөндіруге қатысқан әскери қызметкерлерді марапаттады

Абай облысындағы өрт кезінде төтенше жағдайлар уақытында  ерекше көзге түскен әскери қызметкерлер орден-медальдармен марапатталды.

Төтенше жағдай кезінде жанқиярлық көрсеткені және жасақтарды басқарғаны үшін ҚР ҚМ 53975 әскери бөлімінің командирі полковник Нұрлан Байдуллаев ІІ дәрежелі «Айбын» орденімен марапатталғанын ҚР Қорғаныс министрлігінің баспасөз қызметі хабарлады. Өрт кезінде оның Қарулы Күштердің армиялық  авиациялық тобын басқарғаны атап өтілді.

«Жауынгерлік ерлігі үшін» медалімен Қорғаныс министрлігіне қарасты 28738 әскери бөлімінің бригада сержанты Талғат Жанғазинов та марапатталды. Ол Абай облысы ормандарында болған өртті сөндіру барысында  жеке құрамның іс-әрекетіне мұрындық болған. Министрліктің хабарлауынша, әскери топографияны жақсы білгендігі Жанғазиновқа қауіпті аумақтан қол астындағыларды тез алып өтіп, шығаруға көмектескен.

Қорғаныс министрінің бұйрығымен өрт сөндіруге  қатысқан бірнеше әскери қызметшілер марапатталды. Олар ведомстволық «Ел қорғаны» медальдарымен марапатталып, әскери атақтарды мерзімінен бұрын берумен ерекшеленіп, ақшалай сыйлықпен ынталандырылды.

Еске салайық, Абай өңірінің ормандарында ірі өрт маусым айының басында шыққан болатын. Өрт 60 гектардан астам орман алқабын шарпыған. Елдің барлық ведомстволарынан мыңдаған адамдар өртке қарсы күреске тартылды. Алғашқы күндері өрт салдарынан 15 орманшы қаза тапты.