Толқын тағы 70 итбалық өлексесін Каспий жағалауына шығарды

Каспий теңізінің жағалауында Түпқараған ауданының Ақшұқыр және Сайын Шапағатов ауылдарының маңайында 70 өлі итбалықтың ұшасы табылды. Экологтар оқиға орнына барды, деп хабарлайды Orda.kz.

Маңғыстау облысы Экология департаментінің мамандары осы елді мекендер маңынан теңізден су сынамасын алды. Дегенмен қорытынды әлі дайын емес.

Айта кетейік, өткен жылы осы аудандарда 130-дан астам  ұша табылған болатын. Өткен жылы барлығы екі мыңнан астам ұша толқынмен жағаға шықты. Бірақ бұл сан нақты көрініс емес, өйткені қол жеткізу қиын жерлердегі өлекселерді ешкім есепке алып жатқан жоқ.

Сол кезде жануарлардың қырылу себебін анықтау мүмкін болмады, себебі мамандардың айтуынша, ұшалар әбден іріп кеткен, сондықтан үлгі алу мүмкін болмады.

Сол уақытта  балық шаруашылығы комитетінде итбалықтардың өліміне табиғи құбылыстар, соның ішінде су асты жер сілкіністері салдарынан табиғи газ шығарындылары  себеп болуы мүмкін деп болжанған.

 Естеріңізге салсақ, 29 сәуірде Жайық-Каспий облысаралық бассейндік балық шаруашылығы инспекциясы қызметкерлері Маңғыстау облысының Түпқараған ауданында Каспий теңізі жағалауының мониторингі барысында 88 итбалық ұшасы табылған болатын.

Гидробиология және экология институтынан хабарлағандай, жануарлар ұшасы ыдырай бастаған, бұл токсикологиялық және патологоанатомиялық талдауларды қоса алғанда, одан әрі зертханалық зерттеуге сапалы сынама алуға мүмкіндік бермейді.