Толассыз жауын-шашын 16 адамның өмірін қиды

Филиппинде «Гэми» тайфуны 16 адамның өмірін қиды. Толассыз жауған жаңбыр мен қатты су тасқыны салдарынан Филиппин астанасы Манилада төтенше жағдай жарияланды.

Көптеген үкіметтік ғимараттар мен барлық мектептер жабылды. Қор биржасы да сауданы тоқтатты. Мегаполисте судың тереңдігі кей жерлерде 1 метрге жетіп, көптеген жолдар жабылды.

Апат салдарынан он мың адам баспанасыз қалып, эвакуациялық орталықтарға орналастырылды. Филиппиннің әртүрлі аймақтарындағы 770 мыңға жуық зардап шеккендерге үкіметтен қаржылай көмек көрсетіледі.