Токио Олимпиадасына қатысқан гимнаст елдегі жағдай туралы айтты

Токио-2020 Олимпиада ойындарында 3 спорт түрінен финалға шыққан Милад Карими елде спорт алаңдары көбейсе деп ниет білдірді.

Бұл туралы Orda.kz «Студия 7» бағдарламасына сілтеме жасап хабарлады.

Гимнаст өзінің Instagram парақшасында спортшылардың бірінің жаттығуы кезінде тартылу белтемірінің жұлынып кеткен сәті бейнеленген жазба жариялаған. Каримидің айтуынша, бұл елдегі гимнастикадағы жағдайдың қиын екенін көрсетеді.

Бұл жазба желі қолданушыларының арасында қызу талқыға түскен. Карими жағдай ушығады деп ойламадым дейді, ол тек бар затты көрсеткен.

– Шындығына келгенде спорттық алаңдармен қиындықтар жоқ емес, өйткені Қазақстанда тек екі жақсы зал бар, олар Алматыда орналасқан. Негізінде бұл залда ұлттық құрама жаттығады, себебі мұнда жабдықтар басқа аймақтарға қарағанда жақсырақ.

Гимнастикада спорттық турникеттерде жаттығу кезінде бір нәрсе сынып немесе шығып кететін сәттер болып тұрады. Мен қоғам арасында мұндай дүрбелеңді күтпедім, алайда тіректің төрт рет сынуы бұл мәселе жөнінде ойланудың артық етпейтінін көрсетеді. Шамамен тірек жылына бір рет құлайды, мен жаттығу жасаған кезде де құлаған кездері болды. Корей елінде спорттық алаңда болған кезімде қатты таңқалдым, ол жақта жаттығу кешендері өте көп, бір түймені басып қалсаңыз платформа өзі көтеріліп шығады. Яғни, біздегідей төсенішті өзіңмен алып жүрудің қажеті жоқ, нағыз бір болашақ залы дерсің.

Жаттығу залдарына келетін болсақ менің балалық шағымнан келе жатқан арманым бар. Мен Қазақстанда спорттық мектептер көптеп ашылып, балалар спортпен айналысса деймін. Себебі гимнастика – барлық спорт түрлерінің негізі, - деді Карими.