Тоқаевтың бұрынғы кеңесшісі марқұм Бабақұмаровтың ісі сотқа жолданды

Қазақстан президенті Қасым-Жомарт Тоқаевтың бұрынғы кеңесшісі Ержан Бабақұмаров былтыр, 2025 жылдың қазан айында қаза тапты. Алдын ала мәлімет бойынша, оны әлдекімдер соққыға жығып өлтірген, деп хабарлайды Orda.kz. 

Қылмыстық іс бойынша тергеу аяқталып, материалдар сотқа жолданды. Істі судья Айжан Құлбаева қарайды. Ол – 2024 жылы Бишімбаевтың ісі бойынша сот процесін жүргізіп, экс-министрге үкім шығарған судья.

Ержан Бабақұмаров 1990 жылдары еңбек жолын Алматы әкімі аппаратының құрамында бастаған. Кейін Президент әкімшілігіне ауысып, ішкі саясат бағытын қадағалады және Назарбаевтың тұсында Ақпарат орталығын басқарды. 2006 жылы мәдениет вице-министрі болып тағайындалып, кейін премьер-министр Кәрім Мәсімовтің кеңсесінде жұмыс істеді.

2019 жылы ол Қасым-Жомарт Тоқаевтың кеңесшісі атанды. Сол жылы Алматы әкімінің орынбасары қызметін атқарды. Қаңтар оқиғасынан кейін Бақытжан Сағынтаевпен бірге қызметінен кеткен. Соңғы лауазымы — президент жанындағы Орталық коммуникациялар қызметінің директоры.

Бабақұмаров 56 жаста еді. Артында жұбайы, ұлы мен қызы қалды.

Айта кетейік, Ақтау полицейлері Каспий теңізіне батып кете жаздаған жасөспірімді аман алып қалды.